ഇഹ്റാമില് നിന്ന് വിരമിക്കുന്നതിന് തഹല്ലുല് എന്ന് പറയുന്നു. ഹജ്ജിന് അര്ദ്ധവിരാമം , പൂര്ണ്ണവിരാമം എന്നിങ്ങനെ രണ്ടു തഹല്ലുലുകളുണ്ട്. ജംറത്തുല് അഖബയെ എറിയുക, മുടിമുറിക്കുക, ത്വവാഫ് ചെയ്യുക ( സഅ്യുണ്ടെങ്കില് സഅ്യും ചെയ്യുക) ഈ മൂന്ന് കാര്യങ്ങളില് നിന്ന് ഏതെങ്കിലും രണ്ട് കാര്യങ്ങള് ചെയ്താല് ഒന്നാം തഹല്ലുല് ലഭിക്കും. അതോടു കൂടി സ്ത്രീ ബന്ധവും വിവാഹവുമല്ലാത്ത എല്ലാ കാര്യങ്ങളും അനുവദനീയമാണ്. മൂന്ന് കാര്യങ്ങളും നിര്വ്വഹിച്ചാല് പൂര്ണ്ണമായും വിരമിക്കുന്നതാണ്. ത്വവാഫ് മാത്രം ചെയ്ത്, ഹജ്ജിന്റെ ഫര്ളായ സഅ്യിനെ തിരക്കില്ലാത്ത സമയത്തേക്ക് നീട്ടി വെക്കുന്നവരുണ്ട്. ഇങ്ങനെ നീട്ടിവെക്കുന്നത് അനുവദനീയമാണെങ്കിലും സഅ്യ് ചെയ്യാതെ ഹജ്ജില് നിന്ന് പൂര്ണ്ണവിരാമം ലഭിക്കില്ലെന്ന് ഓര്മ്മിക്കുക. ലൈംഗിക ബന്ധത്തിലേര്പ്പെടലും വിവാഹവും അത്തരക്കാര്ക്ക് അനുവദനീയമല്ല.
അവലംബം : ഇസ്ലാമിക് ബുള്ളറ്റിന്
No comments:
Post a Comment